ஆறிய கஞ்சியும் உதிர்ந்த பிட்டும் : பட்டினத்தார்

பட்டினத்தார் பாடல்கள்

பூரண மாலை ( 8 )

உருப் பேதமின்றி

உயர்ந்த சப்த பேதமாய்க்

குருப் பேதமாய் வந்த

குணம் அறியேன் ..................................... பூரணமே ! 71

சட் சமய பேதங்கள்

தான் வகுத்துப் பின்னுமொரு

உட் சமயம் உண்டென்று

உரைத்தனையே ........................................பூரணமே ! 72

முப்பத்து இரண்டு உறுப்பாய்

நுனைந்து படைத்து உள்ளிருந்த

செப்படி வித்தைத்

திறமறியேன் ............................................ பூரணமே ! 73

என்னதான் கற்றாலென் ?

எப்பொருமும் பெற்றாலென் ?

உன்னை அறியாதார்

உய்வாரோ ? ............................................ பூரணமே ! 74

கற்றறிவோம் என்பார்

காணார்கள் உன் பதத்தை !

பெற்றறியார் தங்களுக்கு

பிறப்பறுமோ ........................................ பூரணமே ! 75

வான் என்பார் அண்டமென்பார்

வாய் ஞானமே பேசி

தான் என்பார் வீணர்

தனை அறியார்..... ................................ பூரணமே ! 76

ஆதி என்பார் அந்தமென்பார்

அதற்குள் நடுவாயிருந்த

சோதி என்பார் நாதத்

தொழில் அறியார் .................................... பூரணமே ! 77

மூச்சென்பார் உள்ளமென்பார்

மோனமெனும் மோட்சமென்பார்

பேச்சென்பார் உன்னுடைய

பேரறியார் ............................................... பூரணமே ! 78

பரமென்பார் பானுவென்பார்

பாழ்வெளியாய் நின்ற

வரமென்பார் உந்தன்

வழியறியார் ................................... பூரணமே ! 79

எத்தனை பேரோ எடுத்தெடுத்து

தான் உரைத்தார்

அத்தனைப் பேர்க்கு ஒன்றானது

அறிகிலேன் ..................................... பூரணமே ! 80

தொடரும் ..........

ஆறிய கஞ்சியும் உதிர்ந்த பிட்டும்